«Bitaraplyk baýramyna bagyşlanyp geçirilen konsert»
Hormatly Prezidentimiz Arkadagly Gahryman Serdarymyzyň baştutanlygynda «Arkadag Serdarly ýaşlar ýylynda» Berkarar döwletiň täze eýýamynyň Galkynyşy döwründe ýaşlar üçin düýpli bilim almaga giň mümkinçilikler döredilýär. Maýa Kulyýewa adyndaky Türkmen milli konserwatoriýasynyň ýanyndaky Ýörite sazçylyk mekdep-internatynyň Kiçi konsert zalynda «Halk saz gurallary» bölüminiň akkordeon hünäriniň 11-nji synp okuwçysy Perhat Tagiýewiň eziz Diýarymyzyň şanly hemişelik Bitaraplyk baýramy mynasybetli ýekelikde taýýarlan konserti bolup geçdi. Perhat Tagiýew halypa mugallym Wera Aleksandrowna Anfaýlowanyň klasynda tälim alýar. Konsertde türkmen we daşary ýurt kompozitorlarynyň nusgawy saz eserleri ýerine ýetirdi. Ž.Katiniň «Konsert troptih», Ç.Nurymowyň «Ekspromt-fantaziýa», P.Frossininiň «Wenesiýadaky karnawal», N.Halmämmedowyň «Dutaryň owazy» we N.Rimskiý-Korsakowyň «Arynyň uçuşy» atly eserlerini Perhat ussatlyk bilen ýerine ýetirdi. Diňleýjelir zehinli sazandanyň çykyşyny şowhunly el çarpyşmalar bilen kabul etdiler.
